Arestado ang Top 6 Most Wanted Person sang Muntinlupa City Police Station sa ginpatigayon nga joint operation sang Iloilo City Police Station 1 kag Muntinlupa City Police Office sa bulig man sang Leganes Municipal Police Station.
Ang nadakpan amo si Nilo Villamino sang Barangay Guintas, Leganes, Iloilo.
Sa interview sang Bombo Radyo kay PCapt. Shella Mae Sangrines, hepe sang Police Station 1, iya ginpahayag nga ginserbehan nila sang warrant of arrest si Villamino bangud sa kaso nga murder.
Naghalin ang warrant of arrest sa Muntinlupa City kag sa Iloilo City Police Station 1 gin-address matapos mahibaluan nga si Villamino ang nagatrabaho sa syudad bilang gwardya.
Wala naman sang iban pa nga detalye ang Police Station 1 tuhoy sa kaso nga murder sang nasambit nga lalaki.
