Maeksperyensyahan sang mga kunsomidor sang More Electric and Power Corporation ukon MORE Power kag Iloilo Electric Cooperative ukon ILECO 1 ang 12 ka oras nga power interruption subong nga adlaw, Septyembre 12, 2021.
Ini ang kasunod man sang paghingyo sang National Grid Corporation of the Philippines (NGCP).
Sa interview sang Bombo Radyo kay Ms. Joy Fantilaga, spokesperson sang MORE Power, iya ginpahayag nga nag-umpisa sa alas-sais sa aga kag magalawig tubtob alas-sais sa gab-i ang brown-out bangud sa patigayunon nga preventive maintenance.
Suno kay Fantilaga, ang nasambit nga preventive maintenance ang nagatuyo nga makaayo ang Sta.Barbara-Ingore 69kV line kag malikawan ang mga unscheduled power interruptions sa palaabuton.
Yari ang mga apektado nga substations sa bahin sang MORE Power:
•Bilog nga Megaworld Feeder 1
•Bilog nga Mandurriao Feeders 2, 3, and 4
•Bilog nga Jaro Feeder 2
•Jaro Feeder 1 (magluwas sa Brgy. Tacas kag Quintin Salas)
•Porsyon sang Lapaz Feeder 2 (Brgy. Hinactacan kag Lawaan Village pakadto sa Buntatala, Tagbak, Lanit kag Balantang)
•Porsyon sang Lapaz Feeder 4 (Brgy. Benedicto, Luna, kag our Lady of Fatima)
May yara man sang isolation kag temporary feeder load transfers nga pagahiwaton.
Bangud sini, makaeksperyensya sang isa ka oras nga power interruption umpisa las 6:00 sang aga – 6:30 sang aga kag 5:30 sang hapon – 6:00 sang gab-i ang masunod nga mga lugar:
•Bilog nga Molo Feeder 4
•Bilog nga La Paz Feeder 2
•Bilog nga La Paz Feeder 3
•Bilog nga La Paz Feeder 4
•Bilog nga Mandurriao Feeder 1
•Bilog nga Mandurriao Feeder 5
•Porsyon sang Jaro Feeder 1
Samtang, sa bahin sang ILECO -1, apektado man sang 12 ka-oras nga brownout ang Leganes substation, Barangay Agusipan, Sta. Barbara, Iloilo kag bilog nga franchise area sang Guimaras Electric Cooperative (GUIMELCO).
