Nagpaathag ang Jordan Motorbanca Cooperative sa publiko kun ngaa P40.00 ang plete sa mga fiberglass motorbanca nga nagabyahe halin sa Jordan Wharf.
Sa interview sang Bombo Radyo kay Engr. Fernando Enalpe, Chairman sang Jordan Motorbanca Cooperative, iya ginpahayag nga bangud sa COVID-19 pandemic kag sa ila dugang nga mga equipment nga ginpamakal, tuman na ka-apektado ang ila kita rason nga indi na nila mapanubuan ang plete sang mga pasahero.
Suno kay Enalpe, sa pagkamatuod, nag-apply sila sadto sa Maritime Industry Authority (MARINA) nga pataasan sa P50.00 ang plete.
Apang P40.00 lang ang nangin suhestyon sang MARINA agud nga indi man matam-an ang mga pasahero nga apektado man sang pandemya.
Sa bahin naman sang Buenavista Wharf, ginpabilin sa P30.00 ang plete sa Fiber-modernized boats nga ginapanag-iyahan sang Motorbanca Owners and Sailors Association (BAMOSA).
Sa interview sang Bombo Radyo kay Captain Neri Tejing, presidente sang BAMOSA, iya ginpahayag nga mabudlay man para sa ila nga pasakaan pa ang plete bangud madamo pa sang rekisitos nga ginapangayo ang Maritime Industry Authority (MARINA).
Nakadepende man suno sa iya sa kada Cooperative ang pagpanubo kag pagpasaka sang plete sa ila depampasahero nga mga sakayang pandagat
