Kinahanglan sang Pilipinas ang P1.1 trillion nga investments agud nga maka-develop sang mas epektibo nga water supply kag sanitation system sa 2030.
Ginlunsyar sang National Economic and Development Authority (NEDA) ang “Philippine Water Supply and Sanitation Master Plan” nga may katuyuan nga malab-ot ang universal access sa safe, sufficient, affordable kag sustainable water supply kag sanitization sa 2030.
Suno kay Socioeconomic Planning Secretary Karl Chua, 44 percent lang sa mga households ang may yara sang maayo nga koneksyon sa waterworks systems samtang ang nabilin nga 56 percent ukon 57 million nga mga Filipinos ang nagakuha pa sang tubig halin sa communal pipes ukon sa bubon nga 250 meters ang kalayuon gikan sa ila mga balay.
Suportado man sang NEDA ang paghimo sang Department of Water Resources agud tingbon na lang ang water sector kag mapamunuan ang implementasyon sang master plan sang pungsod.
