Naka-quarantine na ang walo ka mga pulis nga assigned sa San Lorenzo Municipal Police Station matapos nga nagpositibo sa COVID-19.
Sa interview sang Bombo Radyo kay Police Staff Sergeant Alejandro Calibara, officer-in-charge sang San Lorenzo PNP, iya ginpahayag nga walo tanan ka mga pulis ang na-infect sang virus.
Lakip diri ang pito ka mga uniformed personnel kag isa ka non-uniformed personnel.
Suno kay Calibara, sa walo ka mga nagpositibo sa COVID-19, isa ang symptomatic samtang pito naman ang asymptomatic.
Mangin ang hepe sang San Lorenzo Municipal Police Station ang naka-home quarantine man.
