Obligado na ang tanan nga katapo sang Sidewalk Vendors Association sa syudad sang Iloilo nga magpabakuna batok sa COVID-19 antes magbaligya sa kilid sang mga dalanon.
Sa interview sang Bombo Radyo kay Mr. Jimmy Dorado, anay presidente sang Sidewalk Vendors Association, iya ginpahayag nga padayon ang ila pag-engganyo sa ila mga kaupdanan nga magpaidalom sa COVID-19 vaccination kag indi na magpili sang brand sang bakuna.
Gin-ako man ni Dorado nga sa tion nga pangitaan sila sang vaccination card sang COVID-19 Team, nahangpan nila nga importante ini agud nga ma-monitor ang rason sang mga manugbaligya nga wala pa nakapabakuna.
Apisar sini, ginakalipay man nila nga ang kadam-an sa mga manugbaligya ang nabakunahan na batok sa virus kag ilisipon na lang ang wala pa nakabaton sang vaccine.
