Pila sa mga sidewalk vendors, wala pa nakapabakuna batuk sa COVID-19

May yara sa gihapon sang mga nagapang-alang alang nga magpabakuna batuk sa COVID-19 sa syudad sang Iloilo.

Sa interview sang Bombo Radyo kay Marlyn Canoniro, Presidente sang Association of Vendors sa Iloilo City Proper, iya ginpahayag nga may yara pa sang mga sidewalk vendors nga wala nakapabakuna ilabi na ang may mga comorbidities.

Suno kay Canoniro, sadto may mga myembro siya sang asosasyon nga nagapili pa sang bakuna kaangay sang Moderna kag Pfizer.

Apang sa subong dugang niya, nagkambyo naman ang iban niya nga mga myembro kag interesado na nga magpabakuna sang bisan ano man nga COVID-19 vaccine ang itublok sa ila.