Anom patay samtang 28 naman ang pilason sa Perm University sa Perm City sa Russia.
Ang gunman ang ginkilala nga estudyante man sang unibersidad.
Suno kay President Vladimir Putin, aga sang nagsulod sa buluthuan ang estudyante kag gilayon na lang nga nagpangluthang.
Ang iban nga mga estudyante kag manunudlo ang nagpanago sa sulod sang university building samtang ang iban naman ang nagasininggitan kag may nagalumpat pa halin sa bintana agud nga makapalagyo.
Pahayag sang mga otoridad, preso na subong ang gunman matapos matirohan sang pulis.
May yara sang bitbit nga armas kag kutsilyo ang nasambit nga susepek.
Nagpalab-ot naman sang pagpakig-unong si President Putin sa mga pamilya sang mga napatay nga mga kabataan.
Sa subong, ginahibalo pa sang mga kapulisan ang motibo sang pagpangluthang sang gunman.
