ILOILO CITY- Gin-lockdown sa sulod sang tatlo ka adlaw ang munisipyo sang Ajuy, Iloilo matapos nagpositibo sa COVID-19 ang tatlo ka mga empleyado.
Sa interview sang Bombo Radyo kay Mayor Jett Rojas, iya ginpahayag nga kalakip sa nagpositibo sa COVID-19 amo ang empleyado sa Assessor’s Office , Engineer’s Office kag Municipal Disaster Risk Reduction and Management Office.
Suno kay Rojas, naglab-ot naman sa 31 ang nalakip sa contact tracing kag natalana nga ipaidalom sa swab.
Samtang gilayon man nga ginpaidalom sa disinfection ang munisipyo kadungan sang lockdown nga magalawig tubtob sa Septyembre 22.
