Ginmanduan ni Iloilo City Mayor Jerry Treรฑas ang tanan nga mga manunudlo sa syudad sang Iloilo nga magpabakuna batok sa COVID-19.
Ini ang kasunod sang pag-apruba ni Presidente Rodrigo Duterte angot sa pilot implementation sang limited face-to-face classes sa mga low risk areas.
Sa interview sang Bombo Radyo kay Mayor Treรฑas, iya ginpahayag nga nagakadapat nga bakunado na ang tanan nga mga manunudlo sa syudad antes pa man patigayunon ang face-to-face classes.
Kaangot sini, ginkalipay man sang alkalde nga positibo man ang feedback sang mga manunudlo kag kadam-an sa ila ang nakapabakuna na.
Sa pihak sini, padayon ang kampanya sang Iloilo City Government para sa COVID-19 vaccination ilabi na nga padayon ang pag-inabot sang Western brand nga vaccine sa syudad kaangay sang Moderna kag Pfizer.
