Talikdan sang isa ka prinsesa sang Japan ang iya nga royal status agud nga pakaslan ang iya anay classmate nga isa ka commoner.
Ang prinsesa nga si Princess Mako ang anak ni Crown Prince Fumihito kag pinakamagulang nga hinablos ni Emperor Naruhito.
Suno sa Imperial Household Agency, pakaslan na sang prinsesa ang iya commoner fiance nga si Kei Komuro sa Oktubre 26.
Indi kaangay sa royal status ni Mako, si Komuro ang nagatrabaho bilang isa ka abogado sa New York sa Estados Unidos.
Una nga gin-schedule ang kasal sang duha sang 2018, apang wala nadayon bangud sa ginapahayag problema sa kwarta sang pamilya ni Komuro.
Subong nga madayon na gid ang kasal, 24/7 ang pag-cover sang media sa prinsesa rason nga nagbatyag ini sang post-traumatic stress disorder, kondisyon nga ginbatyag man anay sang iya nga tiya nga si Empress Masako nga nagsuprer sang stress-related illness bangud sa pressure nga maka-produce sang male heir.
A FAIRY TALE LOVE STORY
2012 sang una nga nagkilalahay ang prinsesa kag si Komuro sa International Christian University sa Tokyo.
Sang 2017, na-engage ang duha apang nag-guwa ang kontrobersiya may kaangtanan sa utang sang iloy ni Komuro.
Sa Japan, sandig sa imperial law, ang mga male heirs lang ang mahimo nga makapanubli sang trono.
Kun ang prinsesa sa pamilya ang magapamana sang isa ka commoner, madula ang iya nga royal status.Ginapahayag nga indi man pagbatunon ni Mako ang traditional lump-sum payment nga 150 million yen kun magbiya na siya sa royal family.
Ginapahayag man nga wala na sang rites nga nga matabo ukon royal family wedding.Kun balibaran ni Mako ang payment kag ang rites, siya ang una nga female member sang royal family nga makahimo sini.
Ginalantaw nga pagkatapos sang kasal, magapadulong si Mako kag ang iya nga bana sa US kun sa diin nagatrabaho si Komuro.
