Nag-umpisa na ang pagpaidalom sa Granular Lockdown sa 12 ka mga barangay sa syudad sang Iloilo.
Base sa Executive Order No. 121 Series of 2021 ni Iloilo City Mayor Jerry Treรฑas, ginpaidalom sa granular lockdown umpisa kahapon Oktubre 8, las 6:00 sang gab-i, ang mga masunod nga lugar:
PHHC, Mandurriao; Q. Abeto, Mandurriao; Dungon, Mandurriao; Guzman-Jesena, Mandurriao; Buhang, Jaro II; Balantang, Jaro II; Cubay, Jaro II; Bito-on, Jaro II; Sinikway, Lapuz; Conception-Montes, Iloilo City Proper; Sto. Domingo, Arevalo; kag San Jose, Arevalo.
Sa interview sang Bombo Radyo kay Punong Barangay Ramon Amoroso sang Q. Abeto, Mandurriao, Iloilo City, iya ginpahayag nga magalawig tubtob Oktubre 11, las 5:59 sang hapon ang lockdown period.
Suno kay Amoroso, sa ila lugar, isa ka pamilya ang naka-home quarantine matapos naglatnanay sa COVID-19.
Pahayag sang opisyal, doktora ang isa ka myembro sang amo nga pamilya.
Dugang pa niya, ang iban nila nga pumuluyo nga nagpositibo sa virus ang lunsay empleyado sang Western Visayas Medical Center kag nagapaayo man sa isa ka quarantine facility sa syudad sang Iloilo.
