Nagahanda ang mga pulis sa banwa sang Sara kun malakip gid man ang banwa sa election areas of concern ukon election hotspot sa probinsya sang Iloilo.
Sa interview sang Bombo Radyo kay Police Major Jose Nemias Pamplona, hepe sang Sara Municipal Police Station, iya ginpahayag nga may election-related violence gid man nga natabo sa amo nga banwa sang nagligad kag nadala ini sa isa sa mga parameters nga mahimo basehan kun mag-classify sa hotspot areas.
Sa subong malinong ang banwa suno sa natungdan apang wala man nagakumpiyansa ang mga pulis.
Balantayan ang eleksyon sa amo nga banwa bangud magapa-eleher liwat bilang alkalde si anay Mayor Neptali “Tali” Salcedo, ang ginakabig political kingpin sa amo nga lugar.
Atubangon ni Salcedo si Retired General kag incumbent Sara Mayor Jon Onick Aying, amo man si incumbent Vice Mayor Jess Salcedo.
