Patay ang masobra 150 ka mga tawo sa lapnagon nga pagbaha sa India kag Nepal tuga sang mamunog nga ulan nga nagguba sang panimalay, mga pananom kag imprasktraktura.
Suno kay SA Murugesan, secretary sang Disaster Management Department, ang north Indian state sang Uttarakhand ang tuman nga nahalitan sa diin 48 ang kumpirmado nga patay.
Nagapadayon naman sa pagrescue ang National Disaster Response Force sang India sa mga posible natabonan sang duta kasunod sang natabo nga landslides.
Pahayag ni Azmat Ulla, senior official sa International Federation of Red Crescent Societies, tuman na nga apektado ang mga tawo sa Nepal kag India nga wala pa gani maka-recover sa pandemya kag subong nagapakig-away naman batuk sa kalamidad sa diin kabuhi kag palangabuhian ang nagkaladula.
Sa Nepal, indi magnubo sa 77 ang patay.
