Yara na sa final stages sang preparasyon ang national team sa Men’s Under-23 para sa AFC U23 Asian Cup 2022 qualifiers nga natalana sa Oktubre 25 tubtob 31 sa Singapore.
Ang Pilipinas ang nalakip sa Group H sa diin maatubang sini ang mga defending champions sang Korea Republic, Singapore, kag Timor-Leste sa Jalan Besar Stadium.
Ang midfielders nga sanday Oliver Bias at Mark Winhoffer, goalkeeper Quincy Kammeraad, kag defender Justin Baas ang una na nga nangin kabahin sang senior Men’s National Team lineup sang Preliminary Joint Qualifiers Round 2 nga ginhiwat sang Hunyo 2021 sa Sharjah, United Arab Emirates.
Sa subong, ang team ang yara sa Doha, Qatar para sa final stages sang training camp.
