Ginrekomendar ni Presidential Adviser for Entrepreneurship Joey Concepcion sa Department of Labor and Employment (DOLE) nga himuon nga mandatory ang COVID-19 vaccination sa labor-intensive sectors.
Suno kay Concepcion, daku ang risgo sang COVID-19 transmission sa sini nga sektor, ilabi na sa business processing outsourcing (BPO) kag semi-conductor firms.
Lakip man sa namensyonar ni Concepcion amo ang waiters kag merchandisers sa supermarkets kag mga retail stores bangud naga-close contact ang mga ini sa kustomer — amo man ang mga tawo sa salons, spas, gyms kag cinemas.
Ginpahayag ni Concepcion nga naga-ugyon si Labor Secretary Silvestre Belo III sa sini nga pagsulundan apang nagakinahanglan pa ini sang dugang nga kaathagan.
