Iga-revoke ang permit sang duha ka quarry operators sa banwa sang Dueñas, Iloilo bangud sa asud-asud nga bayolasyon.
Sa interview sang Bombo Radyo kay Atty. Emmanuel Buyco, head sang Provincial Environment and Natural Resources Office (PENRO), iya ginpahayag nga 16 tanan ang operators nga naga-quarry sa nasambit nga banwa.
Sa nasambit nga numero, duha diri ang kuhaan sang permit matapos natukiban nga nag-quarry ukon nag-extract sang mga balas kag bato sa gwa sang ila permit area kag nagabyahe sa provincial road bisan nagaulan rason nga nagakaguba ang duta.
Dugang pa niya, ginahulat nalang subong ang pinal nga desisyon sang Provincial Mining and Regulatory Board agud nga ma-revoke na ang permit sang duha ka quarry operators.
