Mga turista sa Panay Island lakip na sa Guimaras, mahimo na nga magpa-Boracay nga wala sang negative RT-PCR test result

Madamo pa nga mga local government units ang nagpabor sa pagkakas sang COVID-19 RT-PCR kag antigen testing bilang arrival requirement kag paghalog sang restrictions sa domestic travel.

Ginpahayag ni Department of Tourism Sec. Bernadeth Romulo-Puyat nga ginaduso sang ahensya ang pag-relax sang restrictions para sa local travel sa mga destinasyon nga may high vaccination rates.

Yari ang listahan sang mga destinasyon nga nagpabor nga kakason na ang RT-PCR test kag antigen tests as of October 24;

• Cebu Province
• Lapu-Lapu City
• Catbalogan City

Ang mga destinasyon naman nga naga-require sang vaccination certificates pinaagi sa VaxCertPH amo ang masunod;

• Bohol
• Iloilo City
• Negros Occidental

Samtang ang mga destinasyon naman nga naga-require sang vaccination cards amo ang;

• Clark Freeport Zone (magluwas sa lugar nga yara sa idalom sang ECQ)
• Subic Bay Freeport Zone
• Tarlac (para sa mga lugar nga yara sa idalom sang ECQ kag MECQ)
• Masbate Province
• Southern Leyte
• Tacloban City
• Maasin City
• Misamis Oriental

Suno sa ahensya, kinahanglan sa gihapon sang negative RT-PCR test result sa Boracay lakip na ang mga halin sa NCR magluwas lang sa mga turista nga nagikan sa Panay Island lakip na sa probinsya sang Guimaras.