Napaslawan ang Philippine Azkal U-23 sa host country nga Singapore sa score nga 0-1 sa 2022 Asian Football Confederation (AFC) Under-23 Asian Cup Qualifiers.
Sa pagtakop sang first half, ang duha ka mga teams ang wala pa sang puntos.
Apang pagsulod sang second half, nagsulod ang goal ni Glenn Kweh sang Singapore sa ika-51 minutos sang hampang.
Wala pa sang daog ang Azkals bangud sang Lunes, napiyerde man sila sa South Korea sa score nga 0-3.
Sunod nga maatubang sang Azkals ang Timor Leste sa Dominggo, Oktubre 31.
Nanguna ang South Korea sa Group H nga may yara sang duha ka daog kag wala pa sang pyerde kag ginasundan sang Singapore nga may isa ka daog kag isa man ka pyerde.
