Nagsaka sa 5.3 percent ang inflation rate ukon ang pagmahal sang mga balaklon sini nga bulan sang Oktubre.
Suno kay Bangko Sentral ng Pilipinas Governor Benjamin Diokno, mas mataas ini ipaanggid sa 4.8 percent nga inflation rate sang tinalikdan nga Septyembre.
Pahayag ni Diokno, kadam-an sa mga produkto nga may pagtaas sa presyo para sa bulan sang Oktubre amo ang gatong, kag key food items kaangay sang karne kag bugas.
Suno sa Department of Energy, sini lamang nga Oktubre, apat ka beses nga ginpataas sang pila ka mga local oil companies ang presyo sang gatong.
Natalana naman nga magpaggwa ang Philippine Statistics Authority sang opisyal nga inflation figures para sa bulan sang Oktubre sini nga Nobyembre 5, 2021.
“Inflation will be driven largely by the upward adjustments in domestic oil prices. Higher Meralco (Manila Electric Co.) electricity rates, increased fish and fruits prices, and the peso depreciation will provide additional upside pressures,” pahayag ni Diokno.
