Nagapakig-angot kag nagabulig na ang municipal legal officer sang Buenavista, Guimaras sa pamilya ni Claire Diergos agud mapadasig ang imbestigasyon sa kaso sang ila himata.
Sa interview sang Bombo Radyo kay Buenavista Guimaras Mayor Eugene Reyes, iya ginpahayag nga pila ka mga abiso ang ginhatag sang abogado sa pamilya sang 36 anyos nga biktima.
Suno sa alkalde, may mga gintuad naman nga impormasyon ang iloy ni Diergos kag may ginakaptan nga mga dokumento.
Pahayag ni Reyes, ang mga dugang nga impormasyon kag ebidensya halin sa pamilya ni Diergos ang ginatipon na sang legal officer agud mapasa sa mga pulis.
