ILOILO CITY- Ang ido kuno amo ang pinaka-loyal nga abyan sang tawo nga handa ini nga ihalad ang iya kabuhi para sa iya agalon.
Apang paano kun ang agalon indi loyal sa iya ido kag ginasakit niya ini.
Sin-o ang mahimo mangin manugdampig sang ido?
Viral subong sa internet ang isa ka video nga gina-sakit sang isa ka lalaki ang iya ido.
Sa video makit- an nga ginakuga sang lalaki ang ido kag kaangay nga nagapakitluoy na ang sapat bangud sa kasakit.
Sang hinali lang, may nag-abot agud mag-rescue sa ido.
Indi ini tawo kundi isa man ka sapat—isa ka baka ang nag-abot agud sungayon ang lalaki kag nagkaya-kaya gid ini.
Madamo ang nagdayaw sa baka bangud ginbuligan niya ang ido.
Gintawag naman sang mga netizens nga instant karma ang natabo sa mapintas nga lalaki.
