Mahimo na nga magpasaka sang presyo ang mga manufacturer sang mga produkto nga pang Noche Buena.
Suno kay Department of Trade and Industry (DTI) Undersecretary Ruth Castelo, pahanugutan sang ahensya nga maghulag ang presyo sang Noche Buena products bangud indi man ini kabahin sa basic ukon prime commodities.
Tuig 2019 sang ulihe nga nagtaas ang presyo sang mga Noche Buena item.
Pahayag naman ni Philippine Amalgamated Supermarkets Association President Steven Cua, isa sa mga rason kun ngaa kinahanglan magtaas ang presyo amo bangud sa galastuhon man sang mga manufacturer, kaangay sang pagbayad sa 13th month sang mga empleyado.
