Bukas si Presidente Rodrigo Duterte nga magpadalagan sa pagka-senador sa May 2022 elections.
Ini ang gintu-ad ni Senador Christopher “Bong” Go, ang long time aide sang presidente.
Suno sa senador, ginatun-an pa sang maayo sang presidente kun dayunon niya ang pagpadalagan apang ginakonsidera ini ni Duterte.
Nahibaluan nga sang nagligad semana, ginpahayag ni Partido Demokratiko Pilipino–Lakas ng Bayan ukon PDP-Laban president kag Energy Secretary Alfonso Cusi nga gina-engganyo sang partido si Duterte nga magpadalagan sa pagka-senador.
Ang orihinal nga plano kuntani sang PDP-Laban Cusi wing amo nga padalaganon sa pagka-bise presidente si Duterte kaupod si Go nga amo ang presidential bet.
Apisar nga ginbaton ni Duterte ang nominasyon, nagbag-o ang pinsar sini sang Oktubre 2 sang iya gin-announce nga magaretiro na siya sa politika.
