Nagnubo ang index crime sang Pilipinas sa 68% humalin sang Hulyo 2016.
Suno kay Philippine National Police chief General Guillermo Lorenzo Eleazar, ang barometer sang peace and order nga index crime ang nagnubo sang 68% sa sulod sang 64 months humalin sang Hulyo 2016 tubtob Oktubre 2021.
Ini ang mas manubo pahayag niya sa 64 months man sang nagligad nga administrasyon.
Ang crimes against persons ang nagnubo sang 65% samtang ang crimes against property ang nagnubo man sang 70%.
Nag-improve ang numero dugang sang PNP Chief apang indi sa gihapon pwede batunon ang mga krimen nga nagkalatabo.
Samtang ang crime solution efficiency sa sulod sang lima ka tuig ang yara sa 49% ukon isa ka kaso ang nagakasolbar sa kada duha ka krimen nga nagakatabo.
Ini ang mas mataas ipaanggid sa 26% sang nagligad nga administrasyon ukon isa ka kaso ang nagakasolbar sa kada apat ka krimen nga nagakatabo.
