Kapin 100 patay kag masobra 100 naman ang pilason matapos naglupok ang fuel tanker sang ini ang nakabunggo sa isa man ka truck sa Sierra Leon sa Africa.
Gilayon nga nag-awas ang gatong, naglupok kag nag-ibwal ang kalayo.
Nasunog ang mga salakyan kag motorsiklo sa dalan sang Freetown.
Nagpasalig naman si President Julius Maada Bio nga himuon sang gobyerno ang tanana gud suportahan ang mga apektado nga pamilya.
Indi lamang ini una nga aksidente nga natabo sa Africa sa diin involved ang tanker trucks bangud sang 2019, naglupok man ang tanker sa Tanzania nga nagpatay sang 85 ka tawo samtang kapin 50 naman ang patay sa kaangay man nga hitabo sa Democratic Republic of Congo sang 2018.
