ILOILO CITY- Kilalahon ta ang duha ka bata nga mag-utod nga may koleksyon sang masobra 3,300 nga lip balms.
Mahilig ka man magbutang sang lip balm agud nga indi magmala ang imo bibig?
Pila ka bilog ang lip balm mo subong?
May yara sang mag-utod sa Hong Kong nga nakahimo sang Guinness World Record sang nakolekta nila ang 3,388 ka nagkalain-lain nga lip balms.
Ino amo sanday Scarlett Ashley Cheng, 6 anyos kag iya utod nga si Kaylyn, 8 anyos.
Suno sa mag-utod, sang sila ang gamay pa, masami nga ginabutangan sila sang lip balm sang ila lola agud magpabilin nga moist ang ila bibig.
Didto nag-umpisa ang hilig sang duha nga magkolekta sang lip balm indi lang sa Hongkong kun indi sa iban man nga parti sang kalibutan.
Sa subong, may yara na sila sang kaugalingon nga DO IT YOURSELF lip balms sa balay kag ginahatag nila ini sa ila abyan kag pamilya bilang regalo.
