Patay ang isa ka lalaki matapos nabunggu-an sang motorsiklo samtang nagatabok sa dalan sa Barangay Jalaud Norte, Zarraga, Iloilo.
Ang biktima amo si Carlito Cain, Jr., residente sang Leganes, Iloilo samtang ang driver sang motorsiklo amo si Joven Bacanto, 21, kag residente sang Barangay Gines sa banwa sang Zarraga.
Sa interview sang Bombo Radyo kay Police Corporal Ivan Saludares, imbestigador sang Zarraga Municipal Police Station, iya ginpahayag nga nagtabok para magpangihi si Cain sang ini nabunggo-an.
Ginpahayag nga nakainom sang makahulubog nga ilimnon si Cain apang base man sa mga nakakita, madasig ang pagpadalagan sang motorsiklo kag madulom ang area.
Naka-angkon sang patal nga pilas sa ulo ang biktima nga amo ang gintunaan sang iya kamatayon.
