Nagbiya na sa Japan si former Japanese Princess Mako agud nga mag-sugod sang panibag-o nga kabuhi kaupod ang iya bana nga isa ka commoner.
Sang nagligad lang nga bulan sang ginkasal si Mako kag iya college sweetheart nga si Kei Komuro.
Si Mako amo ang hinablos sang emperor sang Japan, kag anak nanday Crown Prince Akishino kag Crown Princess Kiko.
Nagpadulong sanday Mako kag Kei sa New York kun sa diin nagatrabaho si Kei sa isa ka law firm.
Antes sini, nangin sentro sang atensyon ang lovestory nanday Mako kag Kei bangud nadalahig pati ang gender roles sa Royal Family sa Japan.
Sa tuman ka intense nga media coverage kag money scandal nga ginkaulamiran sang relasyon sang duha, na-diagnose si Mako sang post-traumatic stress disorder.
Matandaan nga pagkatapos sang ila kasal sang nagligad nga bulan, naproseso kag nabaton ni Mako ang iya nga passport agud nga makasunod sa iya nga bana sa Estados Unidos.
