ILOILO CITY– Ginpa-Bombo sang mga residente sang Zone 3, San Juan, Molo, Iloilo City ang ila dalan nga nagabaha bisan sa gamay lang nga ulan.
Sa interview sang Bombo Radyo kay alyas Raprap, residente sa lugar, iya ginpahayag nga 50 metros gid ang kalabaon sang dalan sa ila lugar nga ginabaha.
Suno sa iya, tuman ka mabudlay ini para sa mga residente nga sa baylo nga maglakat, nagakapilitan na lang nga magsakay sa traysikad ukon tricycle.
Pahayag naman niya, may drainage man sa lugar apang indi sini masarangan ang volume sang tubig rason sang masami nga pagbaha sa ila lugar.
