Gina-welcome ni Iloilo City Mayor Jerry Treñas ang pagbutang sang mga posters kag ribbons sa syudad sang Iloilo — pink man ini ukon green ukon pula ukon yellow ukon anuman nga duag.
Sa interview sang Bombo Radyo kay Treñas, iya ginpahayag nga paagi lang ini sang mga supporters sang pagpakita sang ila nga sinseridad kag suporta sa ila naluyagan nga mga political aspirants sa 2022 elections.
Wala sang problema nga nakit-an ang alkalde bangud natural lang ini samtang nagahilapit ang eleksyon apang ibutang lang suno sa iya sa husto nga lugar.
Ginadumilian ang pagtapik sang posters sa mga kahoy.
Una na nga nagpahayag ang alkalde nga welcome man sa Iloilo City ang mga activities sang bisan ano nga political party apisar nga una na siya nag-anunsyo nga si Vice President Leni Robredo ang iya suportahan sa masunod nga piniliay.
