Liwat nga nabuhi ang istorya natuhoy sa ginapahayag ‘sumpa sa paghigugma’ sa likod sang Miss Universe Philippines crown.
Kasunod ini sang kumpirmasyon nga bulagay na matuod sanday Miss Universe Philippines 2021 Beatrice Luigi Gomez kag ang long-time girlfriend sini nga si Kate Jagdon nga naka-relasyon niya sa sulod sang kapin 7 ka tuig.
Ang tuhay lang subong sa istorya, gintapos na nga daan nanday Bea kag Kate ang ila same-sex relationship antes pa man magpasakop si Bea sa 70th Miss Universe sa Israel sa December 12, 2021.
Indi malikawan sang mga netizens nga balikan ang relationships sang iban man nga past winners sang Miss Universe Philippines.
Matapos nagdaug bilang 1st runner-up sa 48th Miss Universe sa Trinidad and Tobago sang May 26,1999, nagbulag si Miriam Quiambao sa iya boyfriend nga si Martin Bernardo.
First runner-up man si Janine Tugonon sa 61st Miss Universe sa Las Vegas, Nevada sang December 19, 2012 apang sang ulihi, natapos man ang ila relasyon sang boyfriend nga si Jaypee Santos.
Wala man sini ginpalampas si Miss Universe 2018 Catriona Gray.
Nag-break sanday Cat kag Clint Bondad matapos nadag-an ni Cat ang korona sa 67th Miss Universe sang December 17, 2018 sa Bangkok, Thailand.
May entry man ang Ilongga beauty queen kag Miss Universe Philippines 2020 nga si Rabiya Mateo bangud apisar sang promisa sini nga indi sila magbulagay sang boyfriend nga si Neil Salvacion bisan makuha niya ang korona, nagbulagay man gihapon sila. — with a report from PEP.ph
