ILOILO CITY- Wala sang bag-uhon sa ginapatuman nga mga protocol ang Antique Provincial Government may kaangtanan sa pagpaidalom sang probinsya sa Alert Level 2.
Sa interview sang Bombo Radyo kay Antique Governor Rhodora Cadiao, iya ginpahayag nga wala pa sang dapat kabalak-an ang pumuluyo sa probinsya tuhoy sa posible nga surge sang COVID-19 cases.
Suno kay Cadiao, base sa ila nakasugtan sa pagsinapol upod ang Inter-Agency Task Force kag mga alkalde, indi gihapon pag-require ang RT-PCR test sa mga inbound travelers apang kinahanglan ang S-PASS kag letter of coordination sa Local Government Unit.
Pahayag ni Cadiao, symptoms- based lang ang pag-require sang RT-PCR test sa mga travelers nga nagasulod sa Antique.
Ipatuman man ang curfew nga magasugod alas-diyes sa gab-i tubtob alas-kwatro sa kaagahon.
