ILOILO CITY- Ginpasiguro sang barangay council sang Sooc, Arevalo, Iloilo City nga wala nakagwa kag nakasimpon sa iban nga tawo ang seafarer nga labing una nga kaso sang Omicron variant sa Iloilo.
Ini amo ang 46 anyos nga seafarer gikan sa Kenya, residente sang amo nga barangay, kag indi bakunado.
Sa interview sang Bombo Radyo kay Punong Brgy. Ricardo Tugado, iya ginpahayag nga humalin sang Disyembre 24 sang nagpauli sa Iloilo City ang seafarer,wala ini nakagwa sa ila balay.
Suno kay Tugado, ginbantayan kag gin-monitor gid sang mga katapo sang Barangay Health Emergency Response Teams (BHERTs) ang amo nga residente.
