ILOILO CITY- Indi pa makaumpisa ang Iloilo Provincial Government sa pagpangbakuna sa kabataan nga nagaedad 5-11 anyos.
Sa interview sang Bombo Radyo kay Dr. Ma Socorro Quiñon, pinuno sang Provincial Health Office (PHO), iya ginpahayag nga kulang ang supply sang COVID-19 vaccine nga authorized para sa amo nga age group.
Ini amo ang Pfizer kag Moderna.
Suno kay Quiñon, sa pagkamatuod, kulang ang suplay sang Pfizer para sa second dose kag wala man sang inughatag para sa first dose.
Ginpahayag ni Quiñon nga ini nga pagpanghangkat sa supply sang Pfizer vaccine ang resulta sang preference sang mga tawo para sa amo nga brand sang bakuna.
