ILOILO CITY- Nagapangasubo ang management sang Happy Touch Resto Bar sa Muelle Loney, Iloilo City Proper matapos nagsirado ini kadungan sang pagpaidalom sa syudad sa Alert Level 3.
Sa interview sang Bombo Radyo kay Ruchelle Acong, Manager sang amo nga establishment, iya ginpahayag nga apisar Enero 9 tubtob 15 lang ang temporary closure, dako nga palaligban kag dako ang kita nga madula sa ila ilabi na subong nga bag-o pa lang nakabangon ang negosyo.
Suno kay Acong, ang mga Guest Relations Officer (GRO) sang bar ang nagpadulong anay sa iban nga lugar agud indi man magutman.
Nagalaum naman si Acong nga indi na mag-extend pa ang temporary closure sa mga establishment bangud mangin makaluluoy na naman ang ila sitwasyon.
