ILOILO CITY- Posible nga ma-extend pa ang temporary closure sang mga resto bars kag night clubs sa Iloilo City.
Sa interview sang Bombo Radyo kay Iloilo City Mayor Jerry Treñas, iya ginpahayag nga ini bangud padayon ang pagtaas sang kaso sang COVID-19 infection sa Iloilo City.
Base sa data, 102 ang narecord nga kaso subong nga adlaw, Enero 11 mas mataas sa 99 nga narecord kahapon, Enero 10.
Suno sa alkalde, wala pa nakalab-ot sa peak ang pagtimbuok sang kaso kag posible madugangan pa ini sa masunod nga mga adlaw.
Pahayag sang alkalde, mangin ang hospital utilization rate ang yara na sa 40%.
Angot diri, natalana nga sapulon sang alkalde ang mga operators sang amo nga establishments agud maistoryahan ang posible extension sang closure nga nag-umpisa sang Enero 9 kag natalana kuntani nga matapos sa Enero 15 matapos ginpaidalom sa Alert Level 3 ang syudad.
