ILOILO CITY- 18 ka mga unibersidad kag kolehiyo sa Western Visayas ang ginhatagan sang certificate of authority sang Commission on Higher Education (CHED) agud magpatigayon sang limited face to face classes.
Sa interview sang Bombo Radyo kay Dr. Arnold Anceño, spokesperson sang CHED-6,iya ginpahayag nga gikan sa 18 amo nga mga institusyon, 47 nga mga programa ang mahimo magpatigayon sang face to face ilabi na ang yara sa health-related courses, maritime engineering courses kag iban pa.
Suno kay Anceño, ano man nga adlaw subong, mahimo na mag-umpisa sang limited face to face classes ang higher education institution nga yara sa mga lugar nga napaidalom sa Alert Level 2.
Gin-athag niya nga sa Enero 31 naman mahimo mag-umpisa sang klase ang mga unibersidad kag kolehiyo nga yara sa mga lugar nga napaidalom sa Alert Level 3.
Gindugang man sang natungdan nga lauman nga sa masunod nga semana, may madugang nga pito ka higher education institutions nga tugutan man sang CHED nga magpatigayon sang limited face to face classes.
