Gin-aku ni Presidential candidate Ferdinand “Bongbong” Marcos Jr. nga ginaproblema sini ang election disqualification case nga gin-file batuk sa iya apang “okay” kun ang running mate sini nga si Davao Mayor Sara Duterte-Carpio ang magabulos sa iya.
Ini lamang kun magdaug na sa pagka-Presidente si Marcos kag ulihi na nga madeklara nga ini ang “disqualified”.
Suno kay Marcos, seryoso ini sa pagpadalagan bilang Presidente amu nga ginaproblema man sini ang disqualification cases batok sa iya.
Apang, wala sa gihapon nakapagwa sang desisyon ang Commission on Election’s (Comelec) First Division sa consolidated petitions sa disqualification ni marcos sa presidential race.
Ang ini nga mga petisyon ang nagsugud sa iya 1995 tax evasion conviction.
Ini ang separado nga gin-file sang mga martial law survivors nga sanday Bonifacio Ilagan; Akbayan party-list; kag Abubakar Mangelen.
Kinahanglan ang majority vote agud ma -grant ukon mabasura ang petisyon.
Una naman nga ginsapubliko ni recently-retired Comelec commissioner Rowena Guanzon ang iya boto nga ma-disqualify si Bongbong Marcos sa pagpadalagan sa pagka Presidente.
