Liwat nga nagpahanumdom ang Comission on Elections (Comelec) sa mga kandidato nga likawan gid ang pagpatapik sang campaign posters sa indi designated nga areas.
Sa interview sang Bombo Radyo kay Atty. Tomas Valera, Asst. Regional Director sang Comelec 6, iya ginpahayag nga parehos man sa gihapon ang common poster areas sa Syudad sang Iloilo.
Ini nga areas amo ang mga masunod:
-Iloilo City Proper district nga naga-atubang sa Plaza Libertad sa JM Basa;
-Arevalo district sa Rizal Street nga naga-atubang sa Arevalo Police Station;
-Jaro district sa Jaro Plaza;
-Lapaz district sa Lapaz Plaza sa Huervana St.;
-Lapuz district sa Atubang sang Jalandoni Elementary School, Abanilla St.;
-Mandurriao district sa Plaza; kag
-Molo district sa Plaza sa atubang sang The Mansion;
Suno kay Valera, kun magsige pa sa pagdinungol ang mga nagapangtapik sang campaign materials sa indi insakto nga lugar, pangkakason man nila sa gihapon ang tanan nga posters bisan ano man ini size sini.
