ILOILO CITY- Nagtaliwan na si anay Iloilo Provincial Commission on Elections (COMELEC) supervisor Atty. Elizabeth Doronila.
Sa interview sang Bombo Radyo kay Atty. Wilfred Balisado, director sang COMELEC Region 6, iya ginpahayag nga napatay si Doronila bangud sa multiple organ failure sa edad nga 62.
Suno kay Balisado, naka-work from home si Doronila matapos gin-assign sa Office of the Regional Director kadungan sang ginpatigayon nga reshuffling sang mga opisyal sang COMELEC.
Pahayag ni Balisado,Oktubre pa lang sang nagligad nga tuig,nag-signify na si Doronila sang early retirement.
Dugang niya, non-duty status man ini subong nga eleksyon bangud gwa-sulod ini sa ospital.
