ILOILO CITY- Ginaid-idan pa sang Iloilo City Government ang pagplastar sang mga balasehan agud nga mangin kwalipikado ang syudad nga mapaidalom sa Alert level 2 gikan sa Alert Level 3 status.
Sa interview sang Bombo Radyo kay Mayor Jerry Treñas, iya ginpahayag nga gina-finalize na subong sang COVID-19 team sang syudad ang mangin rekomendasyon agud makapadala sang appeal sa National Inter-Agency Task Force (NIATF).
Suno sa alkalde, nagnubo na ang Average Daily Attack Rate (ADAR) sa syudad kag gina-monitor man ang Health Care Utilization Rate (HCUR).
Pahayag sang alkalde, luyag niya siguraduhon nga nag-improve ang COVID situation sa syudad sa tion nga mapanubuan gid man ang alert level.
