Ginabinag-binag na sang Department of Justice ang pag-isyu sang immigration lookout bulletin order (ILBO) batok kay Kingdom of Jesus Christ (KJC) founder, self-proclaimed “appointed son of God” kag “owner of the universe” Pastor Apollo Carreon Quiboloy, kun i-request sang complainant.
Ini matapos gin-tag nga “wanted” sang United States Federal Bureau of Investigation (FBI) si Quiboloy kag duha pa ka myembro sang Kingdom of Jesus Christ Church nga sanday Teresita Tolibas Dandan kag Helen Panilag bangud sa sex trafficking charges.
Suno kay Justice Secretary Menardo Guevarra, ginakonsidera na nila ang pag-isyu sang immigration lookout bulletin order kun may mag-request nga mga complainant.
Una na ginpahayag sang DOJ nga wala pa sila sang may nabaton nga official communication halin sa United States Federal Bureau of Investigation agud nga ma-extradite si Quiboloy sang Philippines-US extradition treaty.
