ILOILO CITY- May nabatian ka na bala nga tawo nga nagransak sang balay apang antes siya naglakat, ginbayaran anay niya ang iya nabuka?
Didto sa New Mexico sa Estados Unidos, may lalaki nga amo ini ang ginhimo.
Natabo ini sang damlag lang sang ginsulod sang 34 anyos nga suspek nga si Teral Christesson ang isa ka balay.
Armado ang amo nga lalaki nga nagsulod sa balay kun sa diin siya naligo, nagtulog, kag nag-inom sang beer.
Sang nakit-an siya sang tagbalay, wala niya ini ginpahog kag antes pa siya gani nagbiya,
nagbilin siya sang 200 dollars ukon kapin 10,000 pesos bilang bayad sa nabuka niya nga gamit.
Suno sa lalaki, nagsulod lamang siya sa balay bangud may ginapalagyuhan siya kun kinahanglan lamang niya sang balay nga matulugan kag naguba man ang iya salakyan.
Pagkasunod nga adlaw, nakabaton ang pulis sang reklamo tuhoy sa carjacking incident sa diin siya gali ang suspek.
Didto na kag gindakop siya sang otoridad kag ginkasuhan sang aggravated burglary, larceny,damage to property,kag aggravated assault.
