ILOILO CITY- Ginpatigayon na ang groundbreaking ceremony sang PhP341.216 Million nga Mina-Badiangan Diversion Road.
Nagalaba ang nasambit nga proyekto sang 10. 77 kilometros, kag may 12 ka intermittent section road nga magasugod sa Mina tubtub sa Badiangan kag makompleto ang proyekto sa Oktubre 2022.
Sa interview sang Bombo Radyo kay Badiangan, Iloilo Mayor Serafin Villa, iya ginpabutyag ang kalipay nga nasuguran na ang proyekto nga ginalauman nga dako ang mabulig sa mga pumuluyo.
Suno kay Villa,ang proyekto magapanami sang alagyan sa Badiangan kag makahatag sang maayo nga dalan sa third district padulong sa iban pa nga mga industrial areas sa Iloilo.
Magapadasig kag magapahapos man ini sang biyahe gikan sa Mina padulong sa Badiangan bangud nga malapad ini nga dalan.
Ang groundbreaking ginpangunahan ni Iloilo 3rd District Representative Lorenz Defensor kag gintambungan man ni Mayor Ray Grabato sang Mina kag iban pa.
