ILOILO CITY- Pito tanan ka mga myembro sang rebelde nga New People’s Army ang nagsurrender sa gobyerno sa bilog nga bulan sang Enero 2022.
Sa interview sang Bombo Radyo kay Capt. Kim Apitong, spokesperson sang 3rd Infantry Division (3ID) sang Philippine Army, iya ginpahayag nga natigayon ang pagsungka sang mga rebelde paagi sa gintingob nga pwersa sang 61st Infantry Battalion, 82nd Infantry Battalion kag 3ID sa pangkabilugan.
Suno kay Apitong,ang mga surrenderees ang mga myembro sang Southern kag Central Front sang Komiteng Rehiyon Panay.
Ginsurrender man nila ang pila ka armas nga ginalakipan sang M16 rifle, improvised shotgun, .45 caliber pistol;a homemade M79 grenade launcher, kag apat ka 40MM cartridges.
Sa subong suno kay Apitong, ginabanta nga yara pa sa kapin 150 ka mga rebelde ang nagapanago sa kabukiran sang Panay.
