ILOILO CITY- Liwat nga nagpahanumdom ang Department of Education sa tanan nga mga katapo sini nga indi gid magpakigbahin sa ano man nga electioneering ukon partisan political activity may kaangtanan sa nagahilapit nga May 2022 elections.
Sa interview sang Bombo Radyo kay Mr. Hernani Escullar Jr., spokesperson sang DepEd Region 6, iya ginpahayag nga base sa Joint Memorandum No. 004, s. 2021 sang ahensya, gina-highlight ang probisyon sang DepEd Order No. 48, s. 2018 nga may tig-ulo nga“Prohibition on Electioneering and Political Activity” nga nagapahanumdom sa tanan nga katapo sang DepEd officials kag employees tuhoy sa constitutional prohibition batok sa pagpatigayon sang partisan political activity santo sa nabutang sa Article IX-B, Section 2(b), paragraph 4 sang 1987 Constitution.
Nasaad man diri nga wala sang officer ukon employee sang civil service ang mahimo mag-engage, directly ukon indirectly, sa ano man nga political campaign kag ang pagkomiter sini ang makabig nga election offense nga pwede masilutan sa idalom sang layi.
Suno kay Escullar,ang masunod ang pila sa makabig nga partisan political activities:
a. pag-form sang organizations, associations, clubs, committees, ukon iban nga grupo sa katuyuan nga magtipon sang boto
b. pagpatigayon sang political caucuses, conferences, meetings, rallies, parades, ukon iban nga kaangay nga assemblies sa katuyuan nga mag- solicit sang boto
c. paghimo sang speeches, announcements, ukon commentaries, ukon pagpatigayon sang interviews pabor ukon batok sa kandidato
d. pag-publish, display, ukon distribute sang campaign literature ukon materials nga nagasporta ukon nagakontra sa isa ka kandidato
e. Direkta ukon indi direkta nga pag- solicit sang boto, pledges, ukon suporta ukon kontra sa isa ka kandidato
Pahayag ni Escullar, ang sin-o man nga madakpan nga nagahimo sini ukon iban pa nga partisan political activities ang mahimo dagdagan sang sanction depende sa kun ano ang madesisyunan sang legal department sang DepEd.
