Gin-impound sang Zarraga Municipal Police Station, ang isa ka dump truck bangud sa pagpatigayon sang illegal quarry sa Barangay Ilaya Poblacion, Zarraga Iloilo.
Sa interview sang Bombo Radyo kay Police Chief Master Sergeant Jeffrey Sirue, imbestigador sang Zarraga Municipal Police Station, iya ginpahayag nga dakop ang driver sang amo nga truck nga nagapatigayon sang paghakot sang balas kag bato bisan kulang ang ginakaptan nga dokumento sa pag-quarry.
Naggikan sa isa ka quarrying site sa Dueñas, Iloilo ang dump truck.
P1,000 ang penalidad sa first offense sa mga magalapas sa Provincial Ordinance 2017-145.
