Hugot nga dumilian sa election period ang pagkampanya kag pag-promote sang mga government employees sa mga nagapadalagan nga kandidato sa 2022 elections.
Sa interview sang Bombo Radyo kay Atty. Ian Lee Ananoria, iya ginpahayag nga isa tubtob anum ka-tuig nga pagkapreso ang penalidad nga idagdag sa mga empleyado sang gobyerno nga madakpan nga nagakampanya sa mga kandidato bisan sa ila nga social media posts.
Suno kay Ananoria, kun madakpan, mahimo man nga dagdagan ang government employees sang perpetual disqualification kun sa diin pahalinon ang mga ini sa trabaho.
Apang gin-athag sang abogado nga mahimo maka-kampanya sang kandidato ang mga political elected officials kasubong sang mga mayor kag gobernador.
