Unbothered ang aktres nga si Toni Gonzaga apisar nga wala-tuo nga pag-bash ang iya naangkon sang nag-host ini sa proclamation rally sang BBM-Sara tandem sa Philippine Arena.
Sa isa ka Facebook post, mismo si presidential candidate Bongbong Marcos ang nagpasalamat sa aktres sa pag-host sa event sang Uniteam.
Sa isa naman ka Instagram story, nagsabat si Toni kay Marcos kag nagsiling, “You’re welcome, my President.”
Magluwas sa suporta sa mga Marcos, gin-bash man sang mga netizens si Toni bangud sa pag-introduce sa senatorial candidate nga si House Deputy Speaker Rodante Marcoleta nga kabahin sang Marcos-Duterte senatorial slate.
Si Marcoleta ang makabig lead figure sa pagpamatok sa franchise renewal para sa media giant nga ABS-CBN nga amo ang home network ni Toni nga na-shutdown sang 2020.
